与勝半島には、「みせえん」とともに、「（ら）りいん」（例えば、「医者やらりいん」）という「受身形」をした尊敬語が残る。日本語の「れる」「られる」と同じ用法である。主に、第三者のことを言う場合に用いるが、「かなあっとをかりよ」は、直接、相手に言う。あるサークルで、話題にしたら、「田舎敬語では？」だと片付けられたが、一応は知られてはいるようだ。

さて、うちなあぐちの敬語（尊敬語、丁寧語、謙譲語）は、「難しい」というイメージが先行している。そのために、うちなあぐちの勉強を遠慮する人もほどだ。うちなあぐち敬語のルールは、日本語ほどにはうるさくない。用法は、あいまいでなく、「てにをは」を覚える程度の能力さえあれば、決して難しくない。本来、尊敬語の習得には、目上の者を交えて、会話を重ねることが大切なのだが、そうした機会が少ないため、自信を持てなくなっているのも確かだ。

ただ、習得しようと思えば、資料には事欠かない。特に、敬語を学ぶには、少し古いが、『沖縄對話』（沖縄県、一八八〇年）も適している（本来、日本語教科書であるが、うちなあぐち敬語が多く使われており、それらを習得する「教科書」としても活用できる）。また、図書館によっては、音声資料や沖縄芝居のビデオテープなどの映像資料も揃っている。愛好家や研究家による刊行物も増えている。言語資料の蓄積は進んでいるのだ。

だが、資料が充実しているわりに、一般には、それほど、活用されているとは思えない。県民の、うちなあぐちへの愛着心は、衰えていないが、学習や実践には至らないのが現状だ。原因のない「現状」はない。　　

資料の体系化や利用しやすい環境作り（資料情報の共有化など）、を含め、うちなあぐち復興の取り組み全般について、改革する必要はないのか。誰もが、「わが言語」だと関心を抱き、実践する意欲をかき立てるために。

 
注：字数等の関係で「唐獅子」と文言が違うところが若干あります

与勝半島んかいや、「みせえん」とぅとぅむに、「（ら）りいん」（例れえ、「医者やらりいん」）んでぃゆる「受身形」ぬ尊敬語ぬ残（ぬく）とをん。日本語ぬ「れる」「られる」とぅ同（い、ゆ）ぬ用法やん。いいくる、第三者ぬくとぅ言るばすに使（ちか）ゆるむんやしが、「かなあっとをかりよ」や、たんかあなてぃ言ん。あるサークルんじ、話題んかいされえ、「田舎敬語やあらんがや？」んでぃち、片付（かたぢ）きらったしが、てえげえや、知らっとをいぎさん。

さてぃ、うちなあぐちぬ敬語（尊敬語、丁寧語、謙譲語）や、「難（むちか）さん」んでぃゆるイメージぬ先走（さちば）いそおん。うぬたみなかい、うちなあぐちぬ勉強（びんちょう）うけえ思いそをる人（ちゅ）ん居（をぅ）るあたいやん。うちなあぐち敬語ぬルールお、日本語やかや、かしまさあねえらん。用法（使え様）や、受き取（とぅ）いぐりさぬむぬおあらな、「てにをは」覚（うび）いゆうするあたいぬ能力（てえ）ぬあれえ、じょうい難しこおねえらん。実（じゅん）にやれえ、尊敬語習ゆるたみねえ、しいざ方とぅちゅまなてぃ、言ちゃいはんちゃい重にゆるくとぅがる大切（てえしち）やしが、うんな機会ぬ少（いきら）さるたみなかい、自信持ちゆうさんなとをるくとぅん確かやん。

ただ、習ららんでぃ思いねえ、資料や不足（ふすく）おねえらん。かわてぃ、敬語勉強すぬたみやれえ、いふぇえ古さしが、『沖縄對話』（沖縄県、一八八〇年）んましやん（本来、日本語教科書どぅやしが、うちなあぐち敬語ぬ多（うふ）く使あらっとをい、うり習ゆる「教科書」とぃしん活用なゆん）。また、図書館にゆてえ、音声資料、沖縄芝居（しばや）んでえぬビデオテープんでえぬ映像資料んゆう備（すな）わとをん。愛好家、研究家んでえが作（ちく）たる刊行物ん増（うわ）あちょをん。言語資料ぬ蓄積え前あがちそをるばすやん。

やしが、資料ぬまんでぃ居たんてえまん、てえげえや、あんすかあ、活用さっとをんでえ思あらん。県民ぬ、うちなあぐちかなさすぬ肝持（ちむぬ）ちえ、衰（うとぅり）てえをぅらんしが、習たい実践さいすぬくとぃんまでえ、なてえををぅらん現状やん。原因ぬねえらん「現状」やねえらん。　　

資料ぬ体系化とぅか使（ちけ）えやっさんねえしすぬ環境作ええ（資料情報ぬ共有化んでえ）添（し）いてぃ、うちなあぐち復興ぬ取い組み全般にちいてぃ、改革すぬ必要やねえらんがや。誰（たあ）がん、「いが言語」どぅやるんでぃぬ考え持っち、実践すぬ肝持ち、はねえかするたみなかい。