地域ごとに、ことばが異なるというのは、やはり、沖縄の特色かと思われる。うちなあぐちの話題ともなれば、競い合って話題にされる筆頭かも知れない。『沖縄語辞典』も、「琉球方言内部の差も本土方言内部の差に匹敵するほど大きい」と指摘するほどだ。

郷里の与勝では、首里系の字照間や字西原を除いて、首里・那覇系の用言におけるサ行音がハ行音に変わること（「ひいさん」など一部例外あり）はよく知られる。「すん」、「ちゅらさん」、「やしが」は、それぞれ、「ふん」、「ちゅらはん」、「やひが」となる。

郷里人や親戚兄弟同士では、日本語を使わない。「民族的ポリシー」などからではない。子どもころからの習慣を修正するのが照れくさいだけ。うちなあぐち仲間と電話でやりとりすることがある。発声直前に、舌先で「サ行音」に「翻訳」する。娘らが、「今日のうちなあぐちは変」と言う。耳は敏感だ。結婚前、家内の兄弟姉妹同士が日本語で会話していることにカルチャーショックを受けた。家内は本島語を聞けるが、彼女らの白保ことばは、大半は意味不明だ。「まあはんだら（おいしいでしょう？）」は、状況から分かった。「与那城と同じハ行だ」と、おかしがった。

ある日、旧三和村（糸満）出身の近所と話しているうちに、彼の形容詞の「〜さん」が意外にも、ハ行音であることに気付いた。「ひるまはぬや（珍しいね）」と、握手する。

むしろ、ハ行子音（Ｐ、Ｆ、ｈ音）の分布の方が、カ行子音のそれとともに有名だ。前述のような品詞の種類による音の違いの分布はあまり聞かない。地元からすれば、大きな違いであるが、琉球方言の区分としては、中南部の方言群は、「沖縄南部方言」（『同書』）または那覇方言系に分類する。集落の移転や分離なども関係する。細かくいえばきりがないのだ。

沖縄の個性豊かな地域の多様性は、二百以上ある（時代的変遷はあるが）といわれるグスクの数にも象徴される。おそらく、琉球王府時代の統治姿勢の反映でもある。古代風のミニ豪族（按司）が狭いムラムラを抱え割拠する。搾取してナンボ。大地主や武士階級が台頭する余地がなかった。支配者（覇者）の目は、海外貿易に向いていた。琉球を襲った薩摩の主な狙いも貿易利益にあった。

注：字数等の関係で「唐獅子」と文言が違うところが若干あります。

シィマぬ与勝んじえ、首里系ぬ字照間（てぃるま）んでえ字西原（にしばる）んでえくうとぅ、首里・那覇系ぬ用言うとおてぃぬサ行音がハ行音んかい変わゆるくとお（「ひいさん」んでえ一部例外あん）、ゆう知らっとをん。「すん」、「ちゅらさん」、「やしが」や、うぬうぬ、「ふん」、「ちゅらはん」、「やひが」とぅなゆん。

シィマん人（ちゅ）とぅか親戚（ゑえか）兄弟同士（ちょおでえどうさあ）やれえ、日本語お使（ちか）あらん。「民族的ポリシー」からあ、あらん。童（わらび）ぬばすからぬ習慣、改みゆるくとぅが恥かさるうっぴ。うちなあぐちゑえずうたあとぅ電話し話しすぬばすぬあん。声（くぃい）出じゃする前（めえ）なかい、舌先（しばさち）んじ「サ行音」んかい「翻訳」すん。娘（ゐなぐわらび）ちゃあが、「今日（ちゅう）ぬうちなあぐちえ違とをおん」んでぃち言ん。耳え分かとをるふうじ。結婚前（にいびちめえ）、妻（とぅじ）ぬ兄弟姉妹同士が日本語なかいゆんたくすぬくとぅにカルチャーショック受きたん。妻え本島語聞ちゆうすしが、彼女（く）ったあ白保（すさぶ）くとぅばあ、大概（てえげえ）や文字（むじ）んくじん分からん。「まあはんだら（おいしいでしょう？）」や、状況から分かたん。「与那城（ゆなぐしく）とぅ同（い、ゆ）ぬハ行やっさあ」んでぃち、うかささん。

ある日、旧三和村（糸満）出（んじ）ぬ隣（とぅな）いぬ人とぅ話そをるうちなかい、彼（うり）が形容詞ぬ「〜さん」が思いぬふか、ハ行音やるくとぅぬわかたん。「ひるまはぬや」んでぃち、握手さるばす。

けえてえ、ハ行子音（Ｐ、Ｆ、ｈ音）ぬ分布がる、カ行子音ぬ分布とぅ共（とうむ）に知らっとをる。前述ねえそをる品詞ぬ種類ゆいぬ音（うとぅ）ぬ違いぬ分布やよねえ聞ちんだん。地元からしいねえ、大（ま）ぎさる違えやいやすしが、琉球方言ぬ区分とぅしちぇえ、中南部ぬ方言群や、「沖縄南部方言」（『同書』）また那覇方言系んかい分類さっとをん。集落ぬ移転とぅか分離んでえん関係すん。みいみいくじい言いねえ、ちゃっさきいあるばすやん。

沖縄ぬ個性豊かな地域ぬ多様性や、二百以上あぬ（時代的変遷ぬんあいやすしが）んでぃ言ゃっとをるグスクぬ数にん表りとをん。いいくる、琉球王府時代ぬ統治姿勢ぬ表りんやらはじ。古代風ぬミニ豪族（按司）が狭（いば）さるシィマジィマムラムラかげえてぃ割拠そをたん。搾取しちゃっさあ。大地主んでえ武士階級ぬ台頭すぬまどおねえらんたん。支配者（覇者）ぬ目（みい）や、海外貿易んかいどぅ向（ん）かとをたる。琉球攻みたる薩摩ぬ主な思内（うみうち）ん貿易利益んかいどぅあたる。