うちなあぐち散文会
          作品集
  トップページへ戻る
  散文会作品一覧へ戻る
散文会会員 アズマ セイコウ作 (東京都)


大和(やまとぅ)ぬ木や むる枯りてぃる ういびいる

1月(そうぐぁち) 沖縄から大阪かい 来(ちゃ)しが 那覇(なあふぁ)うとおてぃ 飛行機んかい
乗(ぬ)いるとぅちねえ 背広の上着や 着(ち)らんぐとぅ 手(てぃ)に持(む)っちる うたしが
大阪着ちゃい 飛行機降(う)りいるとぅちねえ 寒(ふぃさ)ぬ ふしがらん 上着ちちゃんてん じょうい
ぬくたまらん くま内地(ないち)んかい来(ちゃ)せえ 初(はじ)みてぃどぅ やくとぅ さくんわからん 
あんしかまでぃん 違(ちがい)ぬあてえさやあんでぃ 思(うむ)たん
大阪かい 来ち 初(はじ)みに 驚(うどぅる)ちゃせえ 道ぬはたばたに 植(うい)らったとおる 
木や全部(むる)枯(か)りてぃる うしが どぅくひるまさぬ 友(どぅし)んかい ぬうが あぬ枯木や 
とおしんさんぐとぅ うぬまんま うちぇえるんでぃ  問(とぅ)たぐとぅ ありや 枯りてえうらん 
10月頃(じゅうぐわちぐる)から葉(ふぁあ)や色付(いるじち)し 寒(ふぃ)くなれえ 
葉(ふぁ)や全部(むる)枯りてぃ落(う)てぃてぃあぬぐとぅ 枯り木に見いゆんでぃさ 
なあんちゃ 言いるぐとぅ 3月(さんぐわち)なたくとぅ 芽(み)ぬ出(ん)じてぃ 日に日に 
葉ん出(い)んじてぃちゅうさ 4月(しんぐわち)5月(ぐんぐわち)ないねえ 花ん咲ちゅるむん 
沖縄や年(にん)から年中(にんじゅう) 木ぬ葉やたっちかてぃる うくとぅ 内地(ないち)
ぬ枯り木なとおし 見(ん)ち でえじな ひるまさぬ また 珍(みじら)しむんでぃ 思(うむ)たん
大阪とぅか 京都や 4月(しんぐわち)から5月(ぐんぐわち)ぬ まんぐる ないねえ 桜(さくら)ぬ花ぬ 
美(ちゅ)らさぬ また 幾(いくち)んぬ種類(?)ぬ あいさ 沖縄ぬ桜ぬぐとぅ ピンク(?)色(いる)や 
あらんしが 白(しるう)とぅか 汚(ゆぐ)りとおる赤(あかあ) とぅか 桜ぬ色(いる)や あんすか 
美(ちゅ)らさんでぃや 思(うむ)らん やしが 花(はな)ぬ ぶったあ くわったあ たっちかとおせえ
見事(みぐとぅ)やん うりから ”桜ぬ通り抜け”でぃいち造幣局ぬ前(めえ)に 沢山(ちゃっさん)
桜ぬ木ぬあてぃ 色々(いるいる)変(か)わとおる桜ぬあてぃ くれぇえ いっぺえ 目(み)いぐすい 
ないさ 京都にや嵐山(あらしやま)すっとぅくるぬ桜ん いっぺえ美らさんでぃ 友達(どぅしぬちゃあ)
が話すたん また奈良ぬ鹿公園ぬ桜ん ちびらあさんでぃ言(い)ちょうたっさあ
桜や日本ぬ国花でぃ言うるだきあてぃ テレビから全国ぬ桜前線だより んでぃいち 見しいさ
夏(なち)ん終(うわ)てぃ 冬向(ふゆんけえる)前(めえ)に うっさきなあ 青々(おうおう)とぅそおたる 
木ぬ葉や寒(ふぃい)くなてぃ いちゅしんでえ 色(いる)ぬ変わてぃ 黄色(ちいるう)から 次第(しでえ)
に赤くなてぃ しまいねえ 黒茶(くるうちゃあ) ? 色(いる)なてぃ 落(う)てぃいるするむん 
10月(じゅうぐわち)から11月(しむちち)迄(までぃ)や ”紅葉(こうよう)の季節” んでぃ言ち 
東北地方ぬ寒(ふぃ)さる所(とぅくる)から南(ふぇ)かい 次第(しでぇ)に山々ぬ木ぬ色(いる)ん
変わてぃいちゅん 栃木県ぬ奥日光いろは坂ぢぃいいる所(とぅくる) いっぺえ有名やん
観光する人達(ちゅんちゃあ)が うぬ紅葉楽(たぬ)しむんでぃ 高速道路から一般道路ん渋滞し
でえじやさ うぬ後(あとぅ)木ぬ葉(ふぁあ)や全部(むる)落(う)てぃてぃ 無(ねぇ)んなてぃ 
木や枝(ゆだ)びけい残(ぬく)てぃ 枯り木なてぃ見いゆる