塔ぬある根枯じらあ岩（うるま市）2020/3/15
根枯（にいが）じらあ岩（しい）やうちなあんじえ、ふぃるましいむぬおあらんしが、何（ぬう）がやら、頂（ちじ）んかいコンクリート造（づく）いぬ塔（たっちゅう）ぬ建（た）てぃらっとおくとぅ、ふぃるまさん。
何（ぬう）ぬ為（たみ）ぬ塔がやら。
まんぐらんかいや地（じい）ん人（ちゅ）ん見（み）いらんたくとぅ、訊（ち）ちいんならんたん。
倉岩（くらじい）んでぃん言（ゆ）ん。
海（うみ）ぬた生（い）ち物（むし）小（ぐゎあ）とぅ波（なみ）なかい削（き）じらってぃ、うん如（ぐと）おる形（かたち）んかいないぎさん。
陸（あぎ）んかいあぬ石灰岩（しくゎいじい）や同（いぬ）形し、むとぅうゆしが、海ぬ中（なあか）ぬ岩（しい）あ、海んかいある限（かじ）り、いちみとぅとぅうま、ちゃあ削らりいさりいるばすやん。
かあま遠（とぅう）さんかい見（み）ゆる岩ん、くぬ岩ねえしがないらあ。
砂浜（しなはま）造（つく）ゆする大（ま）ぎ岩やれえ、胴（どぅう）ぬ丸回（まんまあ）るうんかい砂浜（しなはま）造てぃ、胴守（まむ）ゆる事（くとぅ）んなゆる筈（はじ）やしが…。
人（ちゅ）ぬ時間（じかん）や馬（んま）ぬ走（は）い、自然（しじん）ぬ時間や亀（かあみい）ぬ走い。
【語句】
根枯じらあ岩やうちなあんじえ、ふぃるましいむぬおあらんしが＝キノコ岩は沖縄では珍しい者ではないが、
何がやら、頂んかいコンクリート造いぬ塔ぬ＝どういう訳か頂きにコンクリート製の塔が
建てぃらっとおくとぅ、ふぃるまさん＝立っているので珍しい。
何ぬ為ぬ塔がやら、まんぐらんかいや＝何のための塔なのか、近くに
地ん人ん見いらんたくとぅ、訊ちいんならんたん＝地元の人がいなかったので、訊けなかった。
倉岩んでぃん言ん＝クラジイんとも言う。
海ぬ生ち物小とぅ波なかい削じらってぃ＝海の生物や波に削られて、
うん如おる形んかいないぎさん＝このような形になる様だ。
陸んかいあぬ石灰岩や同ぬ形しむとぅうゆしが＝陸にある石灰岩は同じ形を維持するが、
海ぬ中ぬ岩あ、海んかいある限り＝海の中の岩は海にある限り、
いちみとぅとぅうま、ちゃあ削らりいさりいるばすやん＝ずっと、削り続けられるわけである。
かあま遠さんかい見ゆる岩ん、くぬ岩ねえしがないらあ＝ずっと向うにある岩もこの岩のようになるのだろうか。
砂浜造いゆする大ぎ岩やれえ、胴ぬ丸回るんかい＝砂浜を造れる大きな岩ならその周囲に
砂浜造てぃ、胴守ゆる事んなゆる筈やしが…＝砂浜を造って自分を守ることんもできようが…。
人ぬ時間や馬ぬ走い、自然ぬ時間や亀ぬ走い＝人間の時間は馬が疾走するが如く、自然の時間は亀が這う如し。
玉城城（南城市）2020/3/1
くぬ前（めえ）、長（なげ）えさ行（ん）じんだんたる玉城城（たまぐしくぐしく）んかい行じゃれえ、足場（くだみどぅくる）ぬ新（みい）くにけえ造（つく）らっとおたん。
やぐとぅ、前に撮（ぬ）じゃるくぬ写真（しゃしん）とお今（なま）あ変（か）わとおん。＊上（うゐい）ぬ写真や前ぬむん。
近頃（ちかぐる）お遺跡（あとぅかた）んでえぬ観光所（ゐいりきどぅくる）んかいや観光客（ちゃく）向（む）ちいなかい、特（かわ）てぃ足場んでえぬ造いしぎらってぃ、小（くう）さいにいから見（ん）じ慣（な）りとおる地（じい）ん人（ちゅ）からあ、異風（いふう）なあなてぃ見（み）ゆる事（くとぅ）んあら筈（はじ）やん。
写真ぬ写（うち）い様（よう）や目外（みは）んだあなゆしが、遺跡守（まむ）たい保（たむ）ちゃいする為（たみ）ねえ、仕方（しかた）あ無（ね）えらん。
近（ちか）くんかいや、あまみちゅぬ居（をぅ）たんでぃぬ伝（ちて）え話（ばなしい）ぬある明東城（みんとぅんぐしく）から垣花城（かちぬはなぐしく）、糸数城（いちゅかじぐしく）んあん。
くぬ城んかいん伝え話や色々（いるいる）、あしが、くったあ城（ぐしく）ぬ主（ぬうし）ん達（ちゃあ）や如何（ちゃ）ぬ様（ゆう）に関（かが）なてぃ居（をぅ）たらあ。
若（む）しか明東城が創（はじ）まいやれえ、他（ふか）ぬ城ぬ主達や、うぬ後々（あとぅあとぅ）ぬ人（ちゅ）ん達がやら。
【語句】
くぬ前、長えさ行んだんたる玉城城んかい行じゃれえ＝このまえ、久しぶりに玉城城にいってみたら、
足場ぬ新くにけえ造らっとおたん＝足場が架けられてしまっていた。
やぐとぅ、前に撮じゃるくぬ写真とお今あ変わとおん＝だから以前に撮った写真とは変わってしまっている。
＊上ぬ写真や前ぬむん=上の写真は以前にとったもの。
近頃お遺跡んでえぬ観光んかいや光客向ちいなかい＝最近は遺跡などの観光地には観光客向けに
特てぃ足場んでえぬ造いしぎらってぃ＝特に足場などが付加されて、
小さいにいから見じ慣りとおる地ん人からあ＝幼い頃から見慣れた地元の人にとっては、
異風なあなてぃ見ゆる事んあら筈やん＝妙に見えることもあるだろう。
写真ぬ写い様や目外んだあなゆしが、遺跡守たい保ちゃいする為ねえ＝写真写りは愕然とするが、遺跡を守り保存するためなら
仕方あ無えらん＝いたし方ない。
近くんかいや、あまみちゅぬ居たんでぃぬ伝え話ぬある明東城から＝近くにはアマミキヨが居城したとされるミントゥングシクはじめ、
垣花城、糸数城んあん＝垣花城、糸数城もある。
くぬ城んかいん伝え話や色々、あしが、くったあ城ぬ主ん達や＝この城には様々な伝説があるが、居城者たちは
如何ぬ様に関なてぃ居たらあ＝どのような関りがあったのだろうか。
若しか明東城が創まいやれえ、他ぬ城ぬ主達や＝もし、ミントゥングシクが創まりなら、他の城の主たちは、
うぬ後々ぬ人ん達がやら＝アマミキヨの後継者たちなのだろうか。
返し石獅子（南風原町）2020/2/15
村々（むらむら）んかいある獅子（しいし）んかいや、実（じん）に面白（うむ）さる伝（って）え話（ばなし）ぬあるむぬやん。
東風平（くちんだ）富盛（とぅむい）んかいや、どぅくだら、まんどおたる火事（くゎじ、ほうはい）ゆ鎮（しじ）みゆる積合（ちむええ）さあに、沖縄（うちなあ）んじ初（はじ）みてぃ、造（つく）らったんでぃさっとおる獅子（しいし）ぬあん。
やしが、かたがた、うりが南風原町（ふぇえばる）本部（むとぅぶ）んかい向（ん）きらっとおたる為（たみ）なかい、本部（むとぅぶ）ぬ人（ちゅ）ん達（ちゃあ）や、うりんかいぬ返（けえし）しとぅしち、富盛んかい向きてぃ石獅子（いししし）ゆ造たん。
やしがまた今度（くんど）お照屋（てぃいら）ぬ人ん達や、本部獅子え又照屋（てぃいら）んかいん向きらっとおるんでぃ、けえ思（うむ）やあに、本部んかい向きてぃ、うぬ写真ぬ獅子造たんでぃぬ事（くとぅ）。
村同士（むらどうさあ）ぬ揉（む）み事（ぐとぅ）ゆ獅子造いさあに、済（し）ますしん、いやでぃん、「平和（ひいわ）風儀’（ふうじい）」やあらに。
獅子ぬ卑語（愛称、やなくとぅば、かなさくとぅば）あ「シーサー」。今（なま）あシーサーや只（ただ）ぬ物退（むんぬ）き物（むん）とぅけえなとおん。
【語句説明】
村々んかいある獅子んかいや、実に＝村々にある獅子にはほんとうに、
面白さる伝え話ぬあるむぬやん＝面白い伝え話があるものだ。
東風平富盛んかいや、どぅくだら、まんどおたる火事ゆ鎮みゆる積合さあに＝東風平富盛には、あまりのも多かった火事を鎮める目的で
沖縄んじ初みてぃ、造らったんでぃさっとおる獅子ぬあん＝沖縄で最初に造られた獅子がある。
やしが、かたがた、うりが南風原町本部んかい向きらっとおたる為なかい＝しかし、それがたまたま、南風原町本部に向けられていたことから、
本部ぬ人ん達や、うりんかいぬ返しとぅしち＝本部の人々はこれに対抗するために
富盛んかい向きてぃ石獅子ゆ造たん＝富盛に向けて石獅子を造った。
やしがまた今度お照屋ぬ人ん達や、本部獅子え又照屋んかいん＝ところが今度は、照屋の人々は本部の獅子は照屋に
向きらっとおるんでぃ、けえ思やあに、本部んかい向きてぃ＝向けられていると思い込み、本部に対抗して、
うぬ写真ぬ獅子造たんでぃぬ事＝その写真の獅子を建てたとのことだ。
村同士ぬ揉み事ゆ獅子造いさあに、済ますしん＝村同士の争いを獅子づくりで済ますとは、
いやでぃん、「平和風儀」やあらに＝いかにも、平和的ではないか。
獅子ぬ卑語（愛称）あ「シーサー」＝獅子の卑語（愛称でもある）は「シーサー」。
今あシーサーや只ぬ物退き物とぅけえなとおん＝現在はシーサーは単なる魔除けになってしまった。
真謝井戸（石垣市）2020/2/1
写真（しゃしん）ぬ中（なか）むてぃいぬまんぐらんかいある井戸（かあ）やまあにんある井戸やいぎさしが、「真謝節」（スンドスリ節）し名（なあ）ぬある井戸やん。
「まじゃんがあ」んでぃ読（ゆ）むしが、うぬ意味（ちむええ）や「真謝ぬ井戸」。
今（なま）あ白保（すさぶ）んかいあしが、昔（んかし）え白保から分（わ）かりたる真謝村（まじゃむら）ぬむんやたん。
やしが明和ぬ大津波（ううしがりなみ）ぬ後（あとぅ）、人（ちゅ）ぬ居（をぅ）らんなやあに、白保お波照間（はてぃるま）から人連（ちゅそう）うてぃ来（ち）ゃあに再建（またうくし）さったしが、真謝村あ白保んかい纏（まとぅ）みらってぃ、無えらんなたん。
首里（しゅい）からしがり波被害（げえ）ぬ有様（ありさま）、検（あらた）みいが来（ち）ゃる役人（やくにん）が津波（しがりなみ）なかい埋（う）ずみらったるうぬ井戸ゆ地（じい）ん人とぅまじゅじゅん、復堀（またぶ）いし、今（なま）ぬ如（ぐとぅ）なたんでぃ言（い）らっとおん。
役人ぬ名（なあ）や馬使（んまちか）やあやたる事（くとぅ）んあてぃ、「馬真謝」でぃぬ綽名（あざなあ）得（い）いたん。
うぬ井戸ぬ前道（めえみち）え、白保ぬ豊年祭（ぷうりい）ぬばすぬ「庭（なあ）」んなとおん。
【語句】
写真ぬ中むてぃいぬまんぐらんかいある井戸や＝写真の中ほどにある井戸は
まあにんある井戸やいぎさしが、「真謝節」（スンドスリ節）し＝どこにでもある井戸みたいだが、「真謝節（スンドスリ節）」で
名ぬある井戸やん＝有名な井戸である。
「まじゃんがあ」んでぃ読むしが、うぬ意味や「真謝ぬ井戸」＝「まじゃんがあ」と読むのであるが、その意味は「真謝の井戸」。
今あ白保んかいあしが、昔え白保から分かりたる＝現在は白保にあるが、昔は白保から分村した
真謝村ぬむんやたん＝真謝村のものであった。
やしが明和ぬ大津波ぬ後、人ぬ居らんなやあに＝だが、明和の大津波の後、壊滅したために、
白保お波照間から人連うてぃ来ゃあに再建さったしが＝白保は波照間から人々を移住させて再再建されたが、
真謝村あ白保んかい纏みらってぃ、無えらんなたん＝真謝村は白保に吸収され廃村となった。
首里からしがり波被害ぬ有様、検みいが来ゃる役人が＝首里から津波の被害状況を視察にやってきた役人が
津波なかい埋ずみらったるうぬ井戸ゆ地ん人とぅまじゅじゅん＝津波で埋まったその井戸を地元人と一緒に
復堀いし、今ぬ如なたんでぃ言っとおん＝再掘し、現在の形になったと言われている。
役人や馬使やあやたる事んあてぃ、「馬真謝」でぃぬ綽名、得いたん＝役人は馬術師だったこともあって、「馬真謝」という綽名を貰った。
うぬ井戸ぬ前道え、白保ぬ豊年祭ぬばすぬ「庭」んなとおん＝その井戸の前の道は白保の豊年祭の際の会場でもある。
旧日本陸軍高射砲（南城市）2020/1/15
旧（んかし）日本陸軍ぬ沖縄戦んじ、配（くば）たる実（じゅん）にぬ高射砲やん。
うぬ後（くしゃあ）んかいや海軍ぬ配とおたる魚雷ん置（う）かっとおん。
平和（ひいわ）教育ぬ為（たみ）ぬむんとぅしち、くまんかい飾（かざ）らっとおん。
南部島尻（しまじり）えあいゆかんぬ戦所（いくさどぅくる）やたくとぅ、くんな兵器ぬ見（み）い出（ん）じゃさったせえ、何（ぬう）んふぃるましいむのおあらん。
やしが、終戦から１９５０年前半（にんまえはんぶん）まんぐるぬ沖縄（うちなあ）や古鉄（ふるがに、スクラップ）世（ゆう）。
沖縄中（うちなあまじり）ぬ人（ちゅ）ん達（ちゃあ）やショベルとぅツルハシ持（む）っち、目（みい）や研（とぅ）ざなやあに、あまくま、兵器ぬ空（殻）骨（からふに）、砲弾（ふうだん）、電線（でぃんしん）うぬ他（ふか）ぬ古鉄（ふるがに）ゆ漁（あさ）ってぃ歩（あ）っちょおたん。
古鉄漁とおる現場（とぅくる）んかいやいいくる毎日（めえにち）、古鉄買うやあぬ馬車（ばしゃ）持（む）っち姿（しがあ）見（み）したるむぬやん。
特（かわ）てぃ、高射砲ぬ空骨そうなむぬお重（んぶ）さくとぅ高（たか）く売（う）らりいたん。
うぬままぬ形（かたち）なかい残（ぬく）とおせえ又（また）、何（ぬう）やかんふぃるましむんやん。
注：時の米国高等弁務官は「沖縄にあるスクラップはすべて米国のものである」と宣言したが、これに耳を貸す県民は殆どいなかった。
【語句】
旧日本陸軍ぬ沖縄戦んじ＝旧日本軍の沖縄戦で
配たる実にぬ高射砲やん＝配備した本物の高射砲15センチカノ砲である。
うぬ後んかいや海軍ぬ配とおたる＝その後ろには旧海軍が配備していた
魚雷ん置かっとおん＝魚雷も置かれている。
平和教育ぬ為ぬむんとぅしち、くまんかい飾らっとおん＝平和教育の目的でここに展示されている。
南部島尻えあいゆかんぬ戦所やたくとぅ＝南部島尻はものすごい戦場だったので、
くんな兵器ぬ見い出じゃさったせえ＝このような兵器が発見されたのは
何んふぃるましいむのおあらん＝何も珍しいものではない。
やしが、終戦から１９５０年前半まん頃ぬ沖縄や古鉄（スクラップ）世＝だが終戦から1950年前半は沖縄はスクラップブーム時代。
沖縄中ぬ人ん達やショベルとぅツルハシ持っち＝沖縄中の人たちはショベルとツルハシを携えて、
目や研ざなやあに、あまくま、兵器ぬ空（殻）骨＝血眼になって、あちこち兵器の残骸や
砲弾、電線うぬ他ぬ古鉄ゆ漁ってぃ歩っちょおたん＝砲弾、電線その他のくず鉄を探し歩いていた。
古鉄漁とおる現場んかいやいいくる毎日＝くず鉄を掘り出す現場には、ほぼ毎日、
古鉄買うやあぬ馬車持っち姿見したるむぬやん＝くず鉄仲買人は馬車で姿を見せていた。
特てぃ、高射砲ぬ空骨そうなむぬお重さくとぅ＝特に高射砲のような残骸は重さもあって、
高く売らりいたん＝高く売れた。
うぬままぬ形なかい残とおせえ＝そのままの形で残っていることこそ、
又、何やかんふぃるましむんやん＝何より珍しいのである。
識名御殿（那覇市）2020/1/1
識名御殿（しちなうどぅん）や唐按司達（とうあじんちゃあ）、御取（うとぅ）い持（む）ちいする為（たみ）なかいぎれえらったる御殿やん。
琉球風儀（るうちゅうふうじい）ぬ赤瓦家（あかがあらやあ）ぬ他（ふか）なかい、唐風儀（とうふうじい）ぬ屋取（やあどぅい）ん石橋（いしばし）んあん。
去（ん）じゃる戦（いくさ）んじ、無（ね）えらんなたしが、復建（まただ）てぃさったん。
あいゆかんぬゐいりき所（どぅくる）なやあに、今（なま）あ世界遺産ぬんかいなとおん。
観光客（かんこうちゃく）ぬ来（ち）いまんどおくとぅ、良（ゆ）う持（む）ち成（な）しさっとおせえ、当（あ）たい前（めえ）やしが、実（じゅん）に肝（ちむ）ぬうらあきらりいる所（とぅくる）やん。
高所（たかどぅくる）んかいあしが、海（うみ）え見（み）いらん。
唐按司達んかい、琉球（るうちゅう）やてぃん、海ぬ見いらんあたいぬ大国（てえぐく）やんでぃ見（み）しゆる為（たみ）んやたる筈（はじ）やしが、他所国（ゆすぐに）ぬ人（ちゅ）お海、見（ん）じいねえ、故郷（くちょう）あながちささあに、帰（け）えい欲（ぶ）しゃなゆるむぬやん。
琉球んかい淀ど（ゆどぅ）おる間（ゑえだ）びけんちょうん、海え見しらん計（はか）れえやたら。
首里城（うぐしく）ぬ燃（め）えたる後（あと）お、文化財ぬ愛（うじ）らあしく見（み）ゆん。
【語句】
識名御殿や唐按司達、御取い持ちいする為なかい＝識名園は中国からの冊封使を持て成すた目的で
ぎれえらったる御殿やん＝建造された建物である。。
琉球風儀ぬ赤瓦家ぬ他なかい、唐風儀ぬ屋取ん石橋んあん＝琉球風の赤瓦建物の他に中国宮の建物も石橋もある。
去じゃる戦んじ、無えらんなたしが、復建さぃさったん＝戦禍で消滅したが復元された。
あいゆかんぬゐいりき所なやあに、今あ世界遺産ぬんかいなとおん＝とても名勝で今は世界遺産にもなっている。
観光客ぬ来いまんどおくとぅ、良う持ち成しさっとおせえ＝観光客が大勢来訪するので、手入れが行き届いているのは
当たい前やしが、実に肝ぬうらあきらりいる所やん＝当然であるが、ほんとうに癒される場所である。
高所んかいあしが、海え見いらん＝高所に位置するが、海は望めない。
唐按司達んかい、琉球やてぃん、海ぬ見いらんあたいぬ＝冊封使らに琉球でも海が見えないほどの （注）
大国やんでぃ見しゆる為（たみ）んやたる筈やしが＝大国であると見せつける目的もあったかもしれないが、
他所国ぬ人お海、見じいねえ、故郷あながちささあに＝（当時は）他所国の人間は海を見るとホームシックになり、
帰えい欲しゃなゆるむぬやん＝帰郷したがったものである。
琉球んかい淀ど（ゆどぅ）おる間びけんちょうん＝琉球に滞在する間だけでも
海え見しらん計れえやたら＝海を望めないようにする気を利かしたのか。
首里城ぬ燃えたる後お、文化財ぬ愛らあしく見ゆん＝首里城が炎上した後は、文化財が愛おしく思える。
注：当時の冊封使は半年ばかり滞在した。
敷